Градот Скопје набави две возила кои се наменети за подобрување на работата на ЈП „Паркови и зеленило“. За набавка на двете возила Градот Скопје издвои 5,8 милиони денари.

Станува збор за едно возило-цистерна кое што ќе се користи за полевање на зелените површини и на дрворедите во чија близина нема хидранти за наводнување, како и за миење на патеките во Градскиот парк. По потреба, ова возило може да се користи и за гасење на евентуални пожари во парк-шумата Водно.

Второто возило–кипер е од марката „ивеко“ и е со носивост од 2,5 тони. Товарното возило е со механизам за утовар и растовар и служи за транспорт на шест лица. Двете возила во голема мера ќа ја подобрат работата на ЈП „Паркови и зеленило“ во делот на подигање на ново зеленило во градот.

Претходно, Градот Скопје за ЈП „Паркови и зеленило“ набави и ровокопач и едно возило со платформа за поткастрување високи гранки.