MK | EN | SQ

skopje.gov.mk
Официјален портал на Град Скопје
Во рамки на проектот ЕУКАНЕТ
РАБОТИЛНИЦА НА ТЕМА „ГРАЃАНСКИ ОРИЕНТИРАН УРБАН РАЗВОЈ БАЗИРАН НА ПОДАТОЦИ“

 

Денеска во Архитектонскиот факултет, во рамки на активностите на меѓународниот проект ЕУКАНЕТ (EUCANET) се одржува работилница на тема „Граѓански ориентиран урбан развој базиран на податоци“.

На работилницата, која ќе се одржува во наредните три дена, ќе се демонстрира потенцијалот и предностите од користење на разните дигиталните алатки во истражувањата при собирањето на податоците, кои би резултирале со користење на нов кориснички или граѓански ориентиран пристап за подобрување на урбаниот развој и дизајн во Скопје.

На отворањето на работилницата пред присутните се обрати и градоначалникот Шилегов.

 


Учесниците на работилницата во Скопје се студенти од соодветните градови-партнери, експерти од ЕУКАНЕТ, професори и истражувачи фокусирани на граѓански ориентирани процеси на урбан развој кои се базирани на податоци, локални институционални и граѓански чинители, носители на одлуки и други.

EUCANET (Мрежа на Европски агенции за граѓанско вклучување и партиципација преку урбан трансформационен процес) е мрежа која е составена од Асоцијацијата Урбан центар Метрополитано Торино (Associazione urban center Metropolitano Torino), Градот Скопје, Градот Марсеј (Франција), Асоцијацијата за развој на Метрополитанскиот дел на Клуж, Романија (Cluj Metropolitan area intercommunity development association), како и Урбаниот центар од Болоња, Италија.

 


Целта на мрежата ЕУКАНЕТ е истражување и споделување на знаење и добри практики за тоа како граѓаните и граѓанските организации (граѓанскиот сектор) подобро да се вклучат и партиципираат во процесот за креирање на урбани политики, како и подобро решавање на конфликтите кои произлегуваат од овој процес.

 ЕУКАНЕТ е кофинансиран од страна на програмата „Европа за граѓаните“ (Europe for Citizens) на Европската унија.

Назад   

Креиран од UserAA на 06.06.2018
ИНСТИТУЦИИ

 

НАЈАВИ
30.11.2019 ЗАПОЧНА ПОСТАПКАТА ЗА СУБВЕНЦИОНИРАЊЕ НА ГРАЃАНИТЕ ЗА НАБАВКА НА ИНВЕРТЕР КЛИМА УРЕДИ
30.11.2019 СУБВЕНЦИИ ЗА НАБАВКА НА ПЕЧКИ НА ПЕЛЕТИ
30.11.2019 ГРАД СКОПЈЕ ПРОДОЛЖУВА СО СУБВЕНЦИОНИРАЊЕТО НА ЧИСТЕЊЕТО НА ОЏАЦИТЕ ВО СКОПЈЕ
ПРОЦЕДУРИ И УСЛУГИ ЗА ЛОКАЛНИ ДАНОЦИ .

Facebook       Twitter        Youtube Channel

 


Администрација |  Контакт |  Прашања |  Разгледници
Copyright(C)2009 Град Скопје
Посетители: 12957421